Tride aux cailles/التريد بالسمان

التريد بالسمان

المقادير  :   ستة طيور سمان  –  كيلو بصلة مقطعة شنانف  –  (بصلات صغيرة للتزيين أو حبات من التمر )  –  كأس عنبة مخلط زيت الزيتون و زيت المائدة –  معلقة  كبيرة سمن حار  –  زلافة صغيرة عدس  –  زلافة صغيرة فول  –  الحلبة حسب الذوق  –  2 حبات فلفلة  حمراء حارة  –  ملح  –  إبزار  –  معلقة كبيرة فلفلة حمراء مطحونة  –  معلقة صغيرة عامرة سكين جبير  –  الربيع مربط  –   شوي رأس الحانوت  –  2 عواد قرفة  –  الماء للقدر  –  بيض السمان مصلوق 

العجين  :  نصف كيلو دقيق ممتاز  – ملح  –  ماء دافئ  –  كأس عنبة مخلط زبدة و زيت للتوراق

الطريقة  

القدر  : شلظي بصلة واحدة وضعيها مع السمان و الزيت في القدر و خليهم يتشحرو . من بعد , زيدي التوابل و القزبور و المعدنوس مربط و الماء و خليهم إطيبو نصف ساعة تقريبا  . من بعد , زولي السمان من القدر و أضيفي العدس و الفول والحلبة و البصلة كلها و السمن . و في الأخير ,  زيدي الفلفلة حمراء  حارة في القدر  

العجين 

خلطي الدقيق مع الماء و الملح و دلكيه جيدا . خليه يرتاح ثم شكلي منه كويرات بحال المسمن مذهونين بالزبدة و الزيت و غطيهم بالبلاستيك الغذائي

سخني المقلة الثقيلة . سرحي الكويرة الأولى بالزبدة و الزيت حتى تصبح شفافة. وضعيها في المقلة ثم قلبيها مرتين. سرحي كويرة أخرى بنفس الطريقة و ضعيها فوق الأولى في المقلاة ثم قلبيها بعدما تصهد. تابعي بنفس الطريقة حتى تحصلي على 7 أو 8 الأوراق من التريد . زوليهم من المقلاة وأعيدي نفس العملية لباقي الكويرات. و في كل مرة , سقي الأوراق بالزبدة و الزيت أثناء الطهي

من بعد, لوي التريد بحال البودان و قطعيه بالسكين على شكل شرائط ثم فوريه في الكسكاس فوق القدر. (خلي 4 أو 5 أوراق صحاح بش تغطي السمان في الأخير

التقديم 

وضعي نصف التريد في طابق التقديم و سقيه بالمرق ثم وضعي فوقه السمان. غطيه بالتريد وضعي فوقه بالصفاية القطنيات و البصل ثم غطي الكل بالأوراق الصحيحة و سقي من الفوق 

زيني الطابق بالبيض مصلوق و التمر أو البصلة صغيرة