طاجين اللحم بالبصلة المعسلة و البصلة المالحة

المقادير

كيلو لحم بقر أو غنم  –  كيلو الا ربع بصلة كبيرة  –  نصف كيلو بصلة صغيرة  –  100 غرام لوز مقلي  –  معلقة كبيرة و نصف سمن مذوب  –  ملح  –    نصف ملعقة صغيرة إبزار  –  ملعقة صغيرة سكين جبير  –  شوي قرفة مطحونة  –  2 عواد قرفة  –  زعفران شعرة  –  تقريبا 3 طوبات كبار من السكر  –  ملعقة كبيرة ماْء الزهر  – بصلة واحدة مشلظة أخرى للتشحار

الطريقة

وضعي اللحم و البصلة مشلظة و الملح وكمية من  السمن في الطنجرة مع نصف كأس ماء و شحري الكل . أضيفي التوابل والتي هي : الابزار – سكين جبير – الزعفران شعرة – والقرفة عواد و أضيفي الماء الكافي لطهي اللحم. ضعي فوق اللحم , في الطنجرة, كسكاس الكوكوت و ضعي فيه البصلة الصغيرة متبلة بالملح و الابزارواتركيها تطيب على بخار اللحم

في طنجرة أخرى , ضعي البصلة الكبيرة مقطعة هلالات مع الملح و الابزار و نصف كأس ماء. خليها تطيب مدة ربع ساعة تقريبا. من بعد, صفيها و رديها تعسل مع السكر و القرفة مطحونة و السمن و حركيها باستمراربملعقة خشبية حتى يصبح لونها قهوي بحال التفاية . و خارج النار , أضيفي عليها ماء الزهر

بالنسبة للوز المقلي ,  احتفظي ببعض الحبات صحاح و هرمشي الباقي غليظ

التقديم : ضعي اللحم في الصحن و سقيه بالمرق

ضعي التفاية في طبصيل متوسط و دردري عليها اللوز المهرمش. دوري عليها في الجوانب البصلة الصغيرة  ثم غرسي وسطها اللوز صحيح ثم ضعي هذا الطبصيل فوق اللحم

ممكن توضعي البصلة مباشرة فوق اللحم

وبالصحة و الراحة