المقادير

باكية من البسكوي « مستطيل الشكل »   –  نصف لتر حليب  –  2 معالق كبار سكر  –  2 معالق كبار من النشا  –  قشور نصف حامضة محكوكين  –  50 غرام شكلاط مذاب في حمام مريم  –  2 معالق كبار كركاع مقطع قطع كبيرة  –  2 معالق كبار زبيب  –  10 حبات من التمر مقطع قطع صغيرة  –  كأس عصير برتقال مع نصف كأس سكر  – 

نحتاج كذلك : مول طويل و بلاستيك غذائي

الطريقة

أولا  : خذي المول وولبسيه بالبلاستيك الغذائي . خذي البسكوي واحدة تلو الأخرى وغمسيها بسرعة في السيرو ديال البرتقال ( المحضر بعصير البرتقال و السكر على نار مهيلة ) ثم ستفيهم في قاع المول واحدة بجانب الأخرى

ثانيا : تحضير الكريمة  : خذي نصف لتر حليب, أضيفي عليه السكر و النشا و طيبيه فوق نار مهيلة مع التحريك المستمر  حتى تختر  الكريمة. خارج النار , أضيفي قشور الحامض محكوكين و حركي الكريمة بسرعة,

ثالثا : كبي الكريمة فوق البسكوي  في المول ودردري عليها الفواكه الجافة  ثم زيدي فوقها طبقة أخرى من البسكوي مغمسة في سيرو البرتقال و ختمي بشوي من الكريمة,

ممكن تكرري نفس العملية و تزيدي طبقة أخرى من البسكوي و الكريمة للحصول على شكل كبير

رابعا : وضعي المول في الثلاجة بعدما تغلفيه بالبلاستيك مدة  ساعة على الأقل,

خامسا : قلبي المول في صحن التقديم و زينيه من  الفوق بالشكلاط المذاب و نصاص الكركاع او ما توفر لديك

                و بالصحة و الراحة

 

.