البسبوسة الحلبية

المقادير

ثلاثة كؤوس  سميدة متوسطة خاصة بالبسبوسة (كأس العنبة)  –  كأس كوك  –  كأس سمن مذوب (حلو)  –  كأس سكر مع كأس ماء لتحضير السيرو الأبيض  –  نصف كأس سنيدة  آخر  –  علبة القشدة الطرية  –  خمارة واحدة   حمراء  – كأس ماء للخلط بالتدريج (+ ,- حسب نوعية السميدة )  – فواكه جافة للتزيين و سيرو  آخر  للسقي في الأخير

الطريقة

       أولا  :  خلطي السميدة مع الكوك و السمن و معكيهم جيدا حتى تشرب السميدة السمن و خليها جانبا

ثانيا  :  هيئي السيرو بكأس  ماء و كأس سكر على نار مهيلة حتى  يثقل  شوي  ولكن يبقى لونه أبيض. و في الحين , كبيه سخون  على الخليط  الاول و حركيه بمغرفة خشبية.  أضيفي السكر وخلطي جيدا . من بعد , لما يدفئ الخليط , زيدي عليه القشدة  و الخمارة و ختمي بالماء شيئا فشيئا حتى الحصول على خليط خفيف  بحال الكيك

ثالثا   : ذهني الصينية , من الأفضل  تكون مستطيلة الشكل , و كبي فيها الخليط و اتركيه  يرتاح ليلة كاملة . و في الغد , زوقي الوجه بالفواكه الجافة (بستاش , لوز , كاوكاو …..) و دخلي الصينية للفرن على نار متوسطة حتى يتحمر الكل . ولما  تطيب البسبوسة , سقيها بسيرو آخر سخون  و هي سخونة ثم قطعيها مربعات و ضعيها في الكواغط

ملاحظة  : ممكن يهييئ السيرو الثاني  بعصير البرتقال و السكر

وبالصحة و الراحة