Pastilla de Kabab avec ou sans feuilles بصطيلة بالكباب بدون أوراق البصطيلة

  • 3

Pastilla de Kabab avec ou sans feuilles بصطيلة بالكباب بدون أوراق البصطيلة

Category : Entrées

المقادير

    على الأقل كيلو هبرة غنمي (من الجيكو)  –  5 بيضات مصلوقين  –  علبة الفطر مقطع رقيق  –  باكيت صغير من الشعرية الصينية  –  » نصف كيلو ورقة البصطيلة  »  -ملح  –  كأس مخلط زيت و زبدة  – إبزار –  ملعقة صغيرة قزبور يابس مطحون  –  ملعقة صغيرة مسطحة من القرفة  مطحونة   –  عصير نصف حامضة  –  القزبور و المعدنوس مقطع رقيق  –  بصلة كبيرة مشلظة  –  ملعقة كبيرة سمن مذوب   –  ضامة البنة مهيأة في المنزل أو مرق اللحم  –  شوي الزعيترة

للتزيين  :  عويدات الاسنان الخشبية  –  الخيار صغير مخلل « الكورنيشون »  –  زيتون أخضر و أحمر

الطريقة

أولا : في الطنجرة , ضعي السمن المذوب و شوي من البصل و اللحم مقطع مكعبات صغيرة و شوي من الماْْْء و شحري الكل على نار مهيلة . من بعد , زيدي التوابل  والقزبور و المعدنوس وخليهم إطيبو حتى يتختر المرق و يصبح بحال كباب المغدور

ثانيا : في مقلاة , ضعي شوي من خليط الزبدة و الزيت , أضيفي عليه شوي من البصلة مشلظة و الفطر (الشامبنيون) و الأبزار و الملح ثم خليهم على النار حتى تهبط البصلة (مع التحريك) , ثم أضيفي عصير الحامض ورشة من القزبور و المعدنوس

ثالثا :في إناء آخر , وضعي الشعرية الصينية مع مرق اللحم غليان أو ضامة البنة مذوبة في الماء غليان  و شوي من الزعيترة وقليل من  الملح. اتركيها جانبا مدة ربع ساعة ثم صفيها و قطعيها بالمقص, زيدي عليها شوي من الزبدة و رشة من الربيع( اختيارية)و نمر  للمرحلة الاخيرة

المونتاج : كل العناصرتصفى وتبرد

أولا : النوع الاول بالاوراق  : في طاوة مذهونة , فرشي أوراق البصطيلة و ذهنيهم بخليط الزبدة و الزيت

.فرشي أولا الشعرية الصينية مسقطرة مزيان بش ما تمزق الورقة

PASTILLA DE KABAB

زيدي عليها طبقة مكونة من كباب اللحم ثم البيض مصلوق محكوك غليظ بش يتشرب من مذاق اللحم

PASTILLA DE KABAB 3

و ختمي بطبقة من الفطر 

PASTILLA DE KABAB 4

ثم  سدي البصطيلة كالمعتاد. دخليها للفرن على درجة 180 

PASTILLA DE KABAB 5

قبل التقديم , زينيها بعيدان الاسنان الخشبية منظومة بالزيتون و الكورنيشون

PASTILLA DE KABAB 6

PASTILLA DE KABAB 7

ثانيا : النوع الثاني بدون أوراق

ممكن تقدمي هذه البصطيلة بدون أوراق , يكفي تستفي العناصر كلها في صحن التقديم على شكل طبقات شريطة أن تقدميها و جميع الطبقات سخونة مزيان , أما العيدان الخشبية المزينة بالزيتون و الخيار المخلل , فضعيها في جوانب الصحن. قدميها مع صحون فردية و الفورشيتات

            بالصحة و الراحــة

 


3 Comments

jalila

4 juin 2015 at 1:42

wassfa chwina jarabtha w jat raw3a

    latifa

    4 juin 2015 at 10:06

    Bessehha ourraha

touria

3 décembre 2014 at 8:08

merci ma sœur recette à l’honneur que dieu te benisse

Répondre

Catégories

Rechercher une recette