Tajine de viande au chou-fleurs enrobé طاجين اللحم بالشوفلور المطفي

  • 0

Tajine de viande au chou-fleurs enrobé طاجين اللحم بالشوفلور المطفي

Category : Plats

المقادير

أولا  :  كيلو لحم غنم أو بقر  ـ  كأس زيت مخلط بزيت الزيتون و زيت المائدة  ـ  ملح  ـ  ملعقة صغيرة إبزار  ـ  ملعقة صغيرة سكين جبير  ـ  خرقوم بلدي  ـ  بصلة صغيرة مشلظة  ـ  ٢ حبات صغيرة  من الطماطم  مقطعة صغيرة  ـ   ٢ ضروس ثوم محكوكين  ـ  قزبور و معدنوس مقطع رقيق  ـ  كأس ماء للطهي

  ثانيا  :     حبة شوفلور متوسطة  ـ   ٢ ضروس ثوم صحاح  ـ  ملح  ـ  نصف حامضة صحيحة و عصير حامضة اخرى  ـ  ٢ بيضات  ـ  ربطة معدنوس مقطع رقيق  ـ  شوي إبزار

ثالثا  :  زيتون أحمر مشقوق للتزيين

الطريقة 

أولا  :  في الطنجرة ، ضعي الزيت و اللحم و البصل والثوم و شوي من الماء . شحريهم حتى تذبل البصلة. من بعد ،  زيدي عليهم التوابل و الماء و الطماطم و الربيع و خليهم إطيبو على نار مهيلة

ثانيا  :  في كاسرولة ، صلقي   » نصف صلقة  » الشوفلور مقطع قطع كبيرة في الماء و الملح و الثوم صحيح و نصف حامضة  بش يبقى الشوفلور صحيح . من بعد ، صفيه و سقيه بعصير الحامض و خليه يبرد

ثالثا  : طربي البيض مع الملح و الابزار . غمسي فيه الشوفلور و قليه في حمام زيت ـ من الأفضل في مقلة غارقة او كاسرولة ـ  من بعد ، ضعيه في الصفاية ورشي عليه المعدنوس

      في التقديم  :  وضعي اللحم في الصحن و سقيه بالمرق خاتر ، ثم ضعي شجيرات الشوفلور من الفوق و رشي الكل بالزيتون       » ستحصلين على طاجين بألوان زاهية : الأصفر و الأخضر و الأحمر 

و بالصحة و الراحة


Répondre

Catégories

Rechercher une recette