Tajine « alma9foul » طاجين المقفول

  • 0

Tajine « alma9foul » طاجين المقفول

Category : Plats

المقادير

كيلو غنمي  –  5 بصلات كبار  –  كيلو مطشة  –  نصف ملعقة صغيرة إبزار  –  ملعقة صغيرة سكين جبير – ملح  –  زغفران شعرة حر  –  ملعقتان قرفة مطحونة  –  كأس صغير سكر مدقوق  –  ملعقة كبيرة سمن مذوب « لحلو »  + شوي من زيت المائدة  –  2 عواد قرفة  –  ملعقة كبيرة فلفلة مطحونة  –  كأس ماء

إضافة من عندي : شوي زنجلان محمر أو نصاص الكركاع معسلين في ملعقة عسل على نار مهيلة

الطريقة  :  وضعي اللحم في الطاجين فوق الفحم (ضروري) مع الزيت و السمن و الملح و نصف بصلة مشلظة  .من بعد , أضيفي التوابل و الماء ما عادا السكر و القرفة مطحونة. خليه إطيب على المهل نصف طيبة ثم وضعي على وجه الطاجين البصلة مقطعة دوائر غليطة حتى يتغطى الطاجين كله. دردري على البصلة شوي من الملح و غطي الطاجين و خليه حتى يتغير لون البصل و يصبح أصفر. من بعد, دردري عليه القرفة و السكر ثم ستفي فوق البصلة مطشة دوائر و دردري فوقها هي الاخرى السكر و القرفة.

غطي الطاجين بصينية أو طبصيل معدني و ضعي فوقه الرماد سخون و خلي الطاجين يتعسل بين نارين

قبل التقديم, دردري عليه الزنجلان محمر أو ضعي وسط كل دائرة مطشة نصف كركاعة معسلة

و باالصحة و الراحة    –                                                                                                         – 


Répondre

Catégories

Rechercher une recette