Poulet à la purée d’aubergines خبيزات الدجاج بالبرانية

  • 0

Poulet à la purée d’aubergines خبيزات الدجاج بالبرانية

Category : Plats

التقديم بطريقتين  : تقليدية و عصرية

المقادير

دجاجة مقطعة أجزاء كبار  –  كيلو دنجال غليظ بدون زريعة  –  نصف حامضة مصيرة  –  القزبور و المعدنوس مربط  –  3 ضروس ثوم محكوكين  –  ملح  –  ملعقة صغيرة سكين جبير  –  نصف ملعقة صغيرة إبزار  –  الخرقوم أو الزعفران شعرة  –  نصف كأس عنبة زيت مخلطة  » بلدية و عادية  »  –  نصف بصلة مشلظة  –  2 معالق كبار خل  –  2 حبات من الهيل (قعقولا)  –  كأس ماء  –  زيت للقلي

الطريقة

أولا  :     في الطنجرة , وضعي الزيت و الدجاج و البصل والثوم و الملح وشوي من الماء. شحري الكل ثم أضيفي التوابل والمصير و القزبور و المعدنوس مربط و الماء. اتركي الدجاجة تطيب على المهل بش تشرب التوابل

ثانيا  :   قطعي الدنجال دوائر غليظة و قليه في حمام زيت .وضعيه في الكسكاس ومعكيه بالفورشيت حتى يخرج كل الزيت الفائض منه و يتصفى . زيدي عليه الخل  و الملح وخلطيه جيدا ثم اتركيه جانبا

ثالثا :   خذي الدجاج من الطنجرة و ضعيه في الفرن يتحمر بدون ما تذهنيه. وقفي المرق على نار مهيلة و زولي الربيع المربط  وحبات  الهيل

التقديم التقليدي

وضعي الدجاج المحمر في صحن التقديم و المرق في الجوانب ثم ضعي فوق الدجاج الدنجال الممعوك  بالفورشيت و زينيه بقطع الحامض المصير

التقديم العصري

خذي الدجاج المحمر و زولي له العظام وقطعيه قطع صغيرة (بحال البصطيلة) . خذي المرشم الخاص لتقطيع المطلوع (دائري مصنوع من إينوكس) ثم ضعيه في صحن التقديم .  ضعي فيه طبقة من الدجاج و طبقة من الدنجال ثم اختمي بطبقة أخرى من الدجاج . ستحصلين على خبيزة بالطبقات. كرري العملية مع وضع الخبيزات واحدة بجانب الأخرى. زيني الوجه بقطع الحامض المصير.

في جوانب الصحن, ضعي الخس مخلل و الكورنيشون و الزيتون الأحمر و الأخضر

ملاحظة  : من الأفضل  استعمال صحون فردية

     وبالصحة و الراحة                                          


Répondre

Catégories

Rechercher une recette