طاجين الصنور معسل Tajine de poissons « congre » sucrés

  • 2

طاجين الصنور معسل Tajine de poissons « congre » sucrés

Category : Plats

طاجين السمك المعسل

المقادير

كيلو ونصف سمك الصنور من الافضل من جهة الرأس  ـ  كيلو و نصف بصل مقطع شنانف  ـ  زلافة صغيرة زبيب مرقد في الماء و شوي ماء الزهر  ـ  قزبور و معدنوس مربط  ـ  ملح  ـ  ملعقة صغيرة إبزار  ـ  ملعقة كبيرة سكين جبير  ـ  شوي زعفران حر  ـ  نصف كأس زيت المائدة  و ملعقة كبيرة سمن  مذوب  ـ  ٢ عواد قرفة  ـ  ملعقة صغيرة مسطحة من القرفة مطحونة  ـ   ٢ حبات من الهيل  ـ  كأس ماء  ـ  نصف كأس عسل  ـ  عصير نصف حامضة 

الطريقة

١ ـ  شرملي السمك بالتوابل مع عصير الحامض و شوي الماء و خليه جانبا

٢  ـ  فرشي البصلة  متبلة بالملح و الأبزار في الطاجين  و ضعي  من فوقها السمك ثم سقي الكل بالشرمولة و زيدي الزيت و السمن و الربيع مربط و الماء ورديه يطيب على الفحم مدة نصف ساعة تقريبا. من بعد ، زيدي الزبيب في الطاجين  و خليه اطيب مدة عشرة دقائق  او ربع ساعة . في الاخير ، سقي الكل بالعسل  و غطيه بصينية  فيها الرماد سخون  و خليه يتحمر بين نارين .  سيصبح الكل معسل ولونه قهوي . ممكن تزينيه بالزنجلان محمر

وبالصحة و الراحة

 

 

 


2 Comments

Nezha katizza

3 mars 2017 at 11:25

طجين رائع مراكشي الله يعطيك الصحة لالالطيفة شكرا بزاف

    latifa

    17 mai 2017 at 10:44

    Bessehha ourraha

Répondre

Catégories

Rechercher une recette